راولپنڈی (سن سٹریٹ نیوز) سابق وزیر داخلہ چودھری نثار علی خان نے کہا ہے کہ پنجاب اسمبلی کا حصہ نہیں بنوں گا،آئندہ چھ ماہ پاکستانی عوام کے لئے اور مشکل ہیں،موجودہ حکومت کی طرف سے مجھے عہدوں کی آفر ہوتی رہتی ہے۔آبائی گاں چکری حلقہ این اے 59 میں سابق یو سی چیئرمینوں، کونسلروں اور حامیوں سے گفتگو کرتے ہوئے انہوں نے کہا کہ آئندہ چھ ماہ پاکستانی عوام کے لئے اور مشکل ہیں میں صوبائی اسمبلی کا حلف اٹھا رہا ہوں نہ ہی حکومت کا حصہ بن رہاہوں، جب بھی فیصلہ کیا ضمیر اور خمیر کے مطابق کرونگا، میرے بارے میں خبریں بے بنیاد ہیں، اس میں کوئی صداقت نہیں کہ میں پنجاب اسمبلی کا حصہ بننے لگا ہوں، عمران خان 22 سال کی جہدوجہد کے بعد بر سراقتدار آئے مگر ناکام رہے، ملک چلانا کوئی آسان کام نہیں۔
