بھوآنہ(رانا محمد بوٹا سنیارا سے )محرم الحرام کے بعد چہلم کے جلوسوں کی اپنے اپنے مقام پر باحفاظت پہنچنا پولیس کے جوانوں اور افسران کی محنت کا منہ بولتا ثبوت ہے امن کمیٹی اور جلوسوں کی انتظامیہ نے بھی ہمارے ساتھ مکمل تعاون کیا جس کے لیے ان کے شکر گذار ہیں ڈی ایس پی سرکل حاجی جاوید انور نے سن سٹریٹ نیوز سے چہلم کے جلوس کے دوران خصوصی بات چیت کرتے ہوئے کہا کہ امام حسینؑ کو ہر مذہب ہر قوم ہر مسلک مانتا ہے یہ قربانی ہمیں درس اتحاد و یگانگت دیتی ہے ہم مسلمان ؤپس میں بھائی بھائی ہیں اور ہمیں صرف محرم ہی نہیں بلکہ ساری زندگی محبت آشتی اور بھائی چارے کے ساتھ رہنا چا ہیے حاجی جاوید انور کا مزید کہنا تھا کہ محرم الحرام کے دس دنوں میں پولیس جوانوں اور افسران نے بھر پور سیکیورٹی کی اسی طرح چہلم کے جلوس کی سیکیورٹی کو بھی یقینی بنایا اس کے ساتھ مقامی امن کمیٹی معززین علاقہ اور میڈیا کے کردار کو بھی نظر انداز نہیں کیا جا سکتا انہوں نے امن و امان قائم رکھنے پر تمام سول سوسائٹی کا بھی شکریہ ادا کیا انہوں نے خصوصی طور پر ایس ایچ او بھوآنہ حاجی طاہر منج کی کارکردگی کو سراہا ۔
مزید پڑھیں
Load/Hide Comments