لاڑکانہ(سید ایاز گیلانی سے ) صوبائی وزیرمحکمہ لیبر و اطلاعات ناصر شاہ نے کہا ہے کہ عمران خان ہمیشہ جھوٹ بولتے ہیں، آصف زرداری پر بمبینو سینما کے مالک تھے وہ کیوں ٹکٹ بلیک کریں گے،عمران خان بیٹ میں ہیروئن اسمگل کرتے تھے قاسم عمر سے پوچھ لیں۔ لاڑکانہ میں سندھ ورکرز ویلفیئر بورڈ کے زیر اہتمام منعقدہ تقریب کے بعد میڈیا سے گفتگو کرتے ہوئے ان کا مزید کہنا تھا کہ عمران کرپشن کے چیئرمینون جرمٹ میں رہتے ہیں انہیں اب کے پی میں بھی حکومت نہیں ملے گی، عمران خان نے ملک میں بدتمیزی کی سیاست کا بنیاد رکھا پیپلز پارٹی منہ توڑ جواب دے سکتی یے مگر قیادت نے تمیز سکھائی ہے۔ انہوں نے کہا کہ۔بلاول بھٹوکی قیادت میں کراچی سمیت ملک بھر میں پیپلز پارٹی کی حکومت ہوگی۔ ایک سوال کے جواب میں ان کا کہنا تھا کہ متحدہ قومی موومینٹ اب منتشر قومی موومنٹ ہے، پہلے کراچی میں اب دھونس، دھاندلی اور بوری بند لاشوں کی سیاست ختم ہوگئی ہے جس میں سندھ حکومت، پولیس اور رینجرس کا کردار اہم ہے۔ انہوں نے کہا کہ عمران خان کو الیکشن میں سندھ سمیت ملک بھر سے کوئی کامیابی نہیں ملے گی، عمران خان جیسے لوگ جہاں سے انتخابات لڑیں گے وہاں ناکام ہوں گے۔ انہوں نے کہا کہ حلقہ بندیاں بیتر ہونی چاہیے، ہم چاھتے ہیں انتخابات وقت پر ہوں۔ انہوں نے کہا کہ عدالت کے لئے احترام یے ان کے لئے بات نہ کی جائے تو بہتر ہے،چیف جسٹس صاحب نے تو کلئیر کہہ دیا ہے کہ اس طرح کے کسی بھی چیز کو سپوٹ نہیں کرینگے بھتر بات ہے، جو مارشل لا کی بات کرتے وہ انتخابات جیت نہیں سکتے۔ انہوں نے کہا کہ اس ماہ سندھ میں نگراں حکومت کے لئے اپوزیشن سے مشاورت شروع کردی جائے گی۔
